Գույներ

Խոսքը միայն գույնի մասին չէ, այլ ճաշակի:

Եթե ցանկանում եք Ձեր կայքը դարձնել ավելի գունեղ և գրավիչ՝ առկա էլեմենտների գույները փոխելով, ապա Ձեզ օգնության կգա մեր ձախ վահանակի գույներ գործիքը:

Այստեղ կգտնեք հարուստ գունապնակ՝ զանազան երանգներով, որոնք հասանելին են ինչպես միագույն, այնպես էլ գրադիենտ տարբերակով:  

Նոր գույն ավելացնելու համար բացված պատուհանից սեղմեք “+” կոճակը և ընտրեք նախընտրելի տարբերակը:

Առաջին ցուցիչը կօգնի ընտրել ցանկալի երանգը, մինչդեռ երկրորդը կորոշի գույնի թափանցիկությունը:

Գույների հետ խաղալուց հետո կարող եք դրանք կիրառել տարբեր բլոկների և էլեմենտների վրա: Այստեղ կարող եք գտնել վերջերս կիրառված գույները, ինչպես նաև ավելացնել նախընտրած գունային կոդերը:

Եթե ցանկանում եք էքսպերիմենտներ անել գույների հետ, ապա գրադիենտն այն է, ինչ փնտրում եք: Վերջինի միջոցով կարող եք փոփոխել գունային նախշերը: Պարզապես սեղմեք կարգավորիչների վրա՝ ցանկալի ոճը ստանալու համար:

Ցանկալի գույնը ստանալուց հետո գցեք այն կայքի ցանկացած էլեմենտի վրա (օր.՝ վերնագրի, պարբերության և այլն):

Եկեք փորձենք ավելացնել այն կոճակի վրա:

Ահա և կոճակի գույնը փոխվեց: Ինչպես արդեն նկատեցիք՝ կարող եք փոխել կայքի ցանկացած էլեմենտի/բլոկի գույնը՝ դարձնելով այն ավելի գունեղ և տեսողականորեն գրավիչ՝ պարզապես օգտվելով մեր կողմից այդքան սիրելի դրագ-ընդ-դրոփ գործառույթից: