Ինչպես զրոյից կայքէջ պատրաստել Ucraft-ով

Յուրաքանչյուր կայք ունի իր առանձնահատուկ կառուցվածքն ու էլեմնտները, իսկ UCRAFT-ում Դուք միակն եք, ով կարող է սահմանել խաղի կանոննները և ընտրել անհրաժեշտ էլեմենտներն ու կառուցվածքը: Նախքան քայլ առ քայլ ուղեցույցին անցնելը, առաջարկում ենք դիտել այս կարճ հոլովակը՝ տեղեկանալու, թե ինչպես զրոյից պատրաստել ամբողջովին ֆունկցիոնալ վեբկայք՝ օգտագործելով UCRAFT-ի էլեմենտներն ու գործիքները:

​Ucraft-ով պատրաստված էջերն ունեն հատուկ կառուցվածք՝ Header, Body և Footer:

Այժմ կներկայացնենք նաև ձախ վահանակը, որտեղ Դուք կարող եք գտնել հետևյալը՝

• Հնարավորություն նախադիտելու, թե ինչպիսին է վեբկայքն այցելուների աչքերով
• Բլոկներ բաժինը, որը թույլ է տալիս վեբկայքին ավելացնել դիզայներական բլոկներ 
• Վեբկայքի էլեմենտների լայն բազմազանություն
• Գույներ գործիքը, որը կօգնի ավելի գունավոր և գրավիչ դարձնել վեբկայքը
• Մի շարք էֆֆեկտներ, որոնք տեսողականորեն կընդարձակեն վեբկայքը
• Պրոգրես բաժինը, որի նպատակն է օգնել հասկանալ, թե ինչ քայլեր են անհրաժեշտ Ձեր Ucraft վեբկայքին ավելի պրոֆեսիոնալ և պրակտիկ տեսք հաղորդելու համար

Անպայման ստուգեք պրոգրեսը, որն ունեցել եք վեբկայքը պատրաստելու ընթացքում:

Այժմ, երբ արդեն սկսել եք կայքը 0-ից պատրաստելը և ունեք որոշակի գաղափար, թե ինչ էլեմենտներ և բլոկներ եք օգտագործելու, միակ բանը, որ Ձեզ անհրաժեշտ է, այդ մտքերն իրագործելն է:

Ինչպես գիտեք՝ Ucraft-ը հիմնված է drag and drop ֆուկցիայի վրա, ինչը նշանակում է, որ էլեմենտներ բաժնից պարզապես պետք է ընտրեք անհրաժեշտ էլեմենտը և տեղադրեք այնտեղ, որտեղ ցանկանում եք:

Այդ նույն եղանալով Դուք կարող եք չեղարկել կատարած քայլը՝ սեղմելով Ctrl Z Windows-ի կամ Command Z՝ Mac-ի համար:

Մոխրագույն եզրագիծը ցույց է տալիս, թե որտեղ է անհրաժեշտ էլեմենտը տեղադրվելու:

Էլեմենտները կարող են տեղադրվել ամբողջ էջով մեկ կամ զբաղեցնել էջի կենտրոնական հատվածը:

Կարող եք էլեմենտը տեղադրել տարբեր մեծություններով՝ փոխելով այն նշիչի օգնությամբ:

Եթե արդեն ընտրել եք էլեմենտը, տեղաշարժեք այն անհրաժեշտ հատվածում և մի պահ պահեք՝ եզրագծերը նկատելու համար: Կարող եք միանգամից 4 էլեմենտ տեղադրել:

Էլեմետը բլոկի կենտրոնական մասում տեղադրելու համար պարզապես տեղաշարժեք այն կենտրոնական հատված և կնկատեք մոխրագույն եզրագիծը, որը ցույց է տալիս, թե որտեղ այն կարող եք տեղադրել:

Եթե ցանկանում եք, որ որևէ էլեմենտ տեղադրվի ամբողջ լայնությամբ, ապա նախընտրած էլեմենտը գցեք բաժինների աջ կամ ձախ կողմերում:

Եկեք ավելի մանրամասն ուսումնասիրենք header-ներն ու footer-ները, որոնք կարևոր տեսողական դեր ունեն վեբկայքի այցելուների համար: Խելամիտ և ճիշտ դասավորված բլոկները ոչ միայն գրավիչ են, այլև բավական ֆունկցիոնալ: Օրինակ՝ կարող եք Header-ում տեղադրել վեբկայքի լոգոն կամ կոնտակտային տվյալները, իսկ Footer-ում՝ սոց. ցանցերին բաժանորդագրվելու տարբերանշանները:

Խնդրում ենք հիշել, որ բլոկները ֆիքսված են բոլոր էջերում, իսկ Header-ը և Footer-ը մեկ հատ են:

Նաև կարող եք օգտագործել նախապես պատրաստված բլոկներ նույնանուն բաժնից: Պարզապես ընտրեք բլոկի տեսակը և տեղադրեք Header և Footer տարածքում:

Ի դեպ, տրված բլոկների լայնությունը ֆիքսված է, սակայն, եթե արդեն օգտագործել եք որոշակի բլոկ, ապա կարող եք նշիչով փոխել դրա լայնությունը:

Ձեր վեբկայքում կատարված բոլոր փոփոխությունները պահպանվում են ավտոմատ կերպով, հետևաբար, միակ բանը, որ անհրաժեշտ է, էլեմենտներ, բլոկներ, էֆֆեկտներ տեղադրելն է, դրանք Ձեր նախընտրությանը համապատասխանեցնելն ու այդ ստեղծարար գործընթացը վայելելն է:

*Խնդրում ենք հիշել, որ Ucraft-ը չի թեստավորվում IE-ում, հետևաբար, մենք չենք երաշխավորում իդեալական աշխատանք այդ բրաուզերում: Խորհուրդ ենք տալիս օգտվել Safari, Chrome, Mozilla Firefox և այլնից՝ տեխնիկական խնդիրներից խուսափելու համար:

Ավելի շա՞տ հարցեր ունեք: Մենք Ձեզ շատ մոտ ենք: Մի հապաղեք կապվել մեզ հետ չաթի միջոցով, որը գտնվում է ներքևի աջ անկյունում՛:

Առաջարկում ենք ուսումնասիրել նաև մեր օգնության բաժինը՝ ավելի մանրամասն ուղեցույցներ գտնելու և Ucraft-ի բոլոր հնարավորություններին ծանոթանալու համար: