Տեսադարան

Ուզու՞մ եք ողջ աշխարհին ցույց տալ Ձեր նկարների հավաքածուն: Դուք դա կարող եք անել վայրկյանների ընթացքում՝ օգտագործելով տեսադարան էլեմենտը:

Ձեր տեսադարանը ստեղծելու համար էլեմենտներ բաժնից ընտրեք Տեսադարան էլեմենտը և քաշեք-գցեք այն անհրաժեշտ վայրում:

Եթե արդեն ավելացրել եք էլեմենտը, ապա կարող եք սկսել վերբեռնել Ձեր սիրելի նկարները: Սեղմեք տեսադարան էլեմենտի վրա և ընտրեք խմբագրել տեսադարանի նկարները:

Դուք այժմ կարող եք ընտրել նախկինում վերբեռնած նկարները, ավելացնել նորերը Ձեր մեդիայից կամ համակարգչից կամ էլ ուսումնասիրել անվճար նկարներն՝ ավելի վառ տարբերակների համար:

Դուք կարող եք նկարներին ավելացնել Alt, վերնագրեր, նկարագրություններ, տեղադրել լինքեր և այլն: Դա անելու համար պարզապես ընտրեք նկարը և աջ մասում կտեսնեք հասանելի ընտրությունը:

Ի՞նչ կասեք տեսադարանի պարամետրերը փոխելու մասին: Պարզապես սեղմեք տեսադարանի վրա և ընտրեք տեսադարանի կարգավորումները:

Այստեղ ունեք հետևյալ կարգավորումները, որոնք կօգնեն տեսադարանի նկարները հարմարեցնել Ձեր պահանջներին:

• Կառուցվածք
• Վերնագրեր և նկարագրություններ
• Թեգեր
• Ընդլայնված կարգավորումներ
• Էֆֆեկտներ

Եկեք սկսենք կառուցվածքից:

Ընտրեք որը ցանկանում եք՝ Ստանդարտ կամ Շարվածք։

Ընտրեք նկարների քանակը մեկ տողում:

Նույն կերպ կարող եք փոխել նկարների ուղղահայաց և հորիզոնական հեռավորությունը՝ պարզապես շարժելով նշաձողը:

Կողմերի հարաբերակցությունը նշված է 1:1, սակայն Դուք դա նույնպես կարող եք փոփոխել:

Մյուս բաժնից կարող եք ավելացնել կամ հեռացնել թեգեր, ցուցադրել վերնագրերը, նկարագրությունները և շատ ավելին:

Գնացեք ընդլայնված կարգավորումներ՝ ակտիվացնելու սլայդեր մոբայլում, սլայդերի սլաքներ մոբայլում, ինչպես նաև բեռնել ավելին հնարավորությունը:

Տեղաշարժեք կանաչ եզրագծերը՝ փոփոխելու տեսադարան էլեմենտի բարձրությունը կամ սև եզրագծերը՝ փոփոխելու տեսադարանի լուսանցքը:

Ինչու՞ Ձեր տեսադարանին չավելացնել գեղեցիկ էֆֆեկտներ՝ հովեր կամ բեռնում:

Ընտրեք ցանկացածը և գունավորեք վերնագիրը, նկարագրությունը և այլն՝ օգտագործելով գույներ գործիքը:

Կարող եք գնալ բեռնման էֆֆեկտներ բաժին՝ Ձեր ցանկացած էֆֆեկտն ընտրելու համար: Սեղմեք էֆֆեկտի անվան վրա՝ այն տեսնելու համար:

 Տեսանելիության կարգավորումներ - կարող եք այնպես անել, որ էլեմենտը հայտնվի դեսքթոփով, պլանշետով, մոբայլով կամ էլ ամենուր։ Պարզապես ընտրեք համապատասխան տարբերակը։

Ուղղություն - էլեմենտի ուղղությունը փոխելու համար սեղմեք նշանը և ընտրեք ուղղությունը՝ աջ, ձախ, կենտրոն։

Աղբարկղի նշան - Եթե Ձեզ այլևս պետք չէ էլեմենտը, ապա կարող եք ջնջել այն։

Հիանալի է, չէ՞: Մինչ Դուք սա կարդում եք, մեր էնտուզիաստ թիմն աշխատում է նոր էլեմենտների և գործառույթների բարելավման վրա:

Ավելին իմանալու համար կարդացեք այս հոդվածը՝ Ինչպե՞ս նկարներ և վիդեոներ ավելացնել կայքում։

Մի վատնեք Ձեր ժամանակը և օգտագործեք այս էլեմենտը՝ Ձեր կայքն ավելի գունեղ և տպավորիչ դարձնելու համար:

Իմացեք, որ մենք միշտ հասանելի ենք: Սեղմեք ներքևի աջ անկյունի Չաթի կոճակը, և մենք սիրով կպատասխանենք Ձեր հարցերին: