SEO հավելված

Դուք կարող եք հիանալի դիզայնով վեբկայք պատրաստել, սակայն ի՞նչ օգուտ, եթե այն տեսանելի չէ հանրությանը:

Ցանկանու՞մ եք ունենալ այցելուների հոսք: Դրա համար պետք է բարելավեք Ձեր կայքի SEO-ն: Դրանով կարող եք օպտիմալացնել կայքը որոնողական համակարգերի համար և ունենալ որոնման ավել լավ արդյունքներ:

Ուսումնասիրությունների համաձայն՝ մարդկանց մեծամասնությունը (ավելի քան 70%) սեղմում են առաջին 5 կայքերի վրա։

SEO-ն թույլ է տալիս 

• Իմանալ՝ արդյո՞ք Ձեր կայքը կհայտնվի որոնողական համակարգերի թոփ դիրքում (SERPs), երբ մարդիկ որոնեն հիմնաբառեր՝ կապված Ձեր ապրանքի կամ ծառայության հետ
• Օգտատերերին հաճույք ստանալ վեբկայքից, քանի որ SEO-ն նաև ապահովում է կայքի որակը

Բարեբախտաբար, Ucraft-ն ունի իր իսկ SEO հավելվածը, որից կարող եք օգտվել առանց որևէ դժվարության:

Այստեղ կգտնեք Ձեր էջերի կառուցվածքը և կկարողանաք ավելացնել վերնագրեր, նկարագրություններ, վերբեռնել սոցիալական մեդիա նկարներ և այլն:

Կարող եք ներքևի մենյուից փոփոխել նաև, թե ինչպես են ռոբոտներն այցելում կայք՝ ինդեքսավորման համար:

Ավարտելուց հետո կտեսնեք կանաչ լույսը, որը ցույց է տալիս, որ նկարն օպտիմալացվել է:

Եկեք հասկանանք, թե ինչպես է այն աշխատում:

Երբ գրում եք Ձեր կայքի վերնագրերն ու նկարագրություններն, ապա պետք է հաշվի առնեք, թե որքան մեծ դեր ունեն նրանք SEO-ի հարցում:

Կարևորեք այս երկու հարցը՝

• Արդյո՞ք այցելուները կմտնեն իմ կայք և կգտնեն այն, ինչ փնտրում են
• Արդյո՞ք Google-ը կհասկանա՝ ինչի մասին է իմ կայքը

Եկեք սկսենք վերնագրից: Հետևելով Google-ի ստանդարտներին՝ ճիշտ կլինի ունենալ մոտ 60 տառ: Սա համարվում է օպտիմալ չափ, և ավելի մեծ տառաքանակը չի ցուցադրվի որոնման արդյունքներում: Այն պետք է բացատրի՝ ինչի մասին է տվյալ էջը: Իդեալական տարբերակն է ունենալ հիմնական, ապա երկրորդական բանալի բառեր և հետո Ձեր բրենդի անունը:

Վերնագիրը պետք է լինի գրավիչ, հետաքրքիր և միևնույն ժամանակ չշփոթեցնող:

Ինչ վերաբերում է նկարագրությանն, ապա այստեղ նույնպես կան սահմանափակումներ: Դրա համար անհրաժեշտ է ունենալ ոչ ավել, քան 230 տառ:

Նկարագրությունը գրելիս պետք չէ այն լցնել բանալի բառերով, քանի որ այն կարող է ներկայացվել որպես սպամ: Դրա փոխարեն ունեցեք call-to-action մոտիվացնող գաղափարներ:

Հնարավոր է նաև ցանկանաք օգտագործել վերահղումներ գործառույթը:

Եթե ջնջել եք որևէ էջ կամ բլոգի հրապարակում կամ պարզապես ցանկանում եք փոխել հղման կառուցվածքն, ապա գնացեք վերահղումներ բաժին և սեղմեք ավելացնել՝ նորն ավելացնելու համար:

Կարող եք ավելացնել նաև XML Sitemap, առանց որի որոնողական համակարգերը չեն կարող ինդեքսավորել տեղեկատվությունը։

Դրանից հետո կբացվի պատուհան, որտեղ կարող եք տեսնել, թե որտեղ պետք է մուտքագրեք հին ու նոր հղումները:

Կտեսնեք դաշտ, որտեղից պետք է ընտրեք վերահղման տեսակը:

• 301 վերահղումն ամենատարածված տեսակն է: Կարող եք օգտագործել այն, եթե ցանկանում եք մշտապես վերահղել ջնջված կամ տեղափոխված էջը: Այս տեսակը որոնման համակարգի ռոբոտին կհայտնի, որ այդ էջը չպետք է այլևս ինդեքսավորվի:
• 302 վերահղումն օգտագործվում է ժամանակավոր վերահղումների համար: Օգտագործեք այս տարբերակը, եթե ցանկանում եք, որ այցելուներն օգտվեն այլըտրանքային էջից, բայց հետագայում օգտագործելու ես այդ URL-ը:

Ավտոմատ ավելացված վերահղումներն ակտիվանում են, և կարող եք օգտագործել սվիչերը՝ նրանք հրապարակելու կամ չհրապարակելու համար:

Վերջում չմոռանաք սեղմել պահպանել:

Եթե էլի հարցեր ունեք, ապա մի հապաղեք դիմել մեզ, և մենք սիրով կպատասխանենք Ձեր բոլոր հարցերին: